रत्नागिरी, दि. 27 (जिमाका) : मिरजोळे हनुमान नगर येथील ७९ वर्षीय सुरेश सीताराम भावे यांचे २६ जानेवारी रोजी पुणे येथे निधन झाले. मृत्युपूर्वी त्यांनी रत्नागिरी येथेच देहदान करण्याचा संकल्प केला होता. शासकीय वैद्यकीय महाविद्यालय सुरू झाल्यामुळे त्यांची मुलगी दर्शना बापट, जावई मोहन बापट तसेच त्यांच्या मित्रांसोबत नेत्रदान आणि देहदान चळवळीचे कार्यकर्ते समाजसेवक समीर करमरकर आणि विनायक शितुत यांच्या पुढाकाराने भावे यांचे देहदान शासकीय वैद्यकीय महाविद्यालयात करण्यात आले.
देहदानाच्या या संपूर्ण प्रक्रियेत शासकीय वैद्यकीय महाविद्यालय व रूग्णालयाचे अधिष्ठाता डॉ. जयप्रकाश रामानंद यांच्या मार्गदर्शनाखाली शरीररचनाशास्त्र विभाग प्रमुख डॉ. सादिकअली सय्यद, डॉ. योगिता कांबळे, डॉ. मंजुषा रावळ, शरीररचनाशास्त्र विभागातील कर्मचारी, आणि समाजसेवा अधिक्षक रेशम जाधव यांनी महत्त्वपूर्ण भूमिका बजावली.
शासकीय रुग्णालयाचे वैद्यकीय अधिक्षक डॉ. विनोद सांगवीकर यांचे देखील मोलाचे सहकार्य लाभले.